نەخۆشخانەی هیوا بوو بە سەنتەری ڕاهێنان بۆ هەموو عێراق
" تەندروستی"
بەسەرپەرشتی بەشی پالتیفی نەخۆشخانەی هیوا و زانكۆی ئەمریكی لوبنانی و دامەزراوەی بۆردی عێراقی و بەسپۆنسەری كۆمپانیای ئەسترازینكا، سیمینارێك دەستیپێكرد بەبەشداری كارمەندانی بەشی پالتیفی نەخۆشخانەی هیوا و ژمارەیەك پەرستاری نەخۆشخانە و سەنتەرەكانی چارەسەری شێرپەنجە لە شارەكانی عێراق.
لەسیمنیارەكەدا كە دوو ڕۆژ دەخایەنێت باس لە بەرەوپێشچونی خزمەتگوزارییەكان و چارەسەری تووشبوانی شێرپەنجە دەكرێت بەشێوەیەكی گشتی لەگەڵ هاوكاری و پاڵپشتی كردنی نەخۆشخانە و سەنتەرەكانی چارەسەری شێرپەنجە.
بەشداربوونی سیمینارەكە پێكهاتوون لە پەرستار و دەرمانساز و پزیشكی پایەبڵند و پزیشی پسپۆڕی هەناوی، نەخۆشخانەی هیوا تەنیا نەخۆشخانەی حكومیە بەشی پالتیفی هەیە و بووەتە سەنتەری ڕاهێنان بۆ بەشی پالتیف بۆ هەموو پارێزگاكانی تری عێراق.
ڕاگەیاندنی تەندروستی سلێمانی
ئه‌م بابه‌ته 40
جار خوێنراوه‌ته‌وه
AM:11:14:16/09/2025