یەكەمین كۆنفرانسی نێودەوڵەتی نەخۆشییەكانی چاو بەڕێوەچوو
" تەندروستی"
بەئامادەبوونی د.هەڤاڵ ئەبوبەكر پارێزگاری سلێمانی و د.ڕەهێڵ فەرەیدون بریكاری وەزارەتی تەندروستی حكومەتی هەرێمی كوردستان و د.سەباح نەسرەدین بەڕێوەبەری گشتی تەندروستی سلێمانی و ڕاوێژكاران و بەڕێوبەرانی گشتی وەزارەتی تەندروستی و د.ڕێكەوت حەمەڕەشید سەرۆكی لقی سلێمانی سەندیكای پزیشكان و نەقیبی سەندیكای دەرمانسازان و ژمارەیەك لە بەرپرسانی تەندروستی و پزیشكانی پسپۆڕی نەخۆشییەكانی چاو، لەشاری سلێمانی یەكەمین كۆنفرانسی نێودەوڵەتی نەخۆشییەكانی چاو بەڕێوەچوو.
لەیەكەمین كۆنفرانسی نێودەوڵەتی نەخۆشییەكانی چاو، نزیكەی 100 پزیشكی پسپۆڕی نەخۆشییەكانی چاو لەناوەوە و دەرەوەی هەرێمی كوردستان بەشداربوون و كۆنفراسەكە ماوەی دوو ڕۆژی خایاند.
لەیەكەمین كۆنفرانسی نێودەوڵەتی نەخۆشییەكانی چاو چەندین تەوەر و پانێڵ و سیمیناری زانستی لەسەر چارەسەرە نوێیەكان و بەكارهێنانی زانستی نوێ لەنەشتەرگەری چارەسەركردنی نەخۆشییەكانی چاو پێشكەش كران.
ڕاگەیاندنی تەندروستی سلێمانی
ئه‌م بابه‌ته 112
جار خوێنراوه‌ته‌وه
AM:11:03:27/04/2025