كۆنگرەی چارەسەری شێرپەنجە لە شاری سلێمانی دەستیپێكرد
" تەندروستی "
بە بەشداری زیاتر لە 250 پزیشكی هەرێمی كوردستان و عێراق و زیاتر لە 30 پزیشك لە دەرەوەی وڵات كۆنگرەی (BEST OF ESMO) تایبەت بە شێرپەنجە لە شاری سلێمانی دەستی بەكارەكانی كرد و بڕیارە دوو ڕۆژ بەردەوام بێت.
لە كۆنگرەكەدا د.یاد نەقشبەندی بەرێوبەری نەخۆشخانەی هیوا بە ناوی بەڕێوبەرایەتی گشتی تەندروستی سلێمانی بەخێرهاتنی سەرجەم میوانانی كرد بۆ شاری سلێمانی و بەشداری كردن لە بە جێگەیاندنی كۆنگرەكە و چەندین توێژینەوەی نوێ تایبەت بە چارەسەری شێرپەنجە باسكران.
ئەوە یەكەمجارە لەسەر ئاستی عێراق و هەرێمی كوردستان كۆنگرەیەكی تایبەت بە شێرپەنجە لە سلێمانی بە بەشداری ژمارەیەك لە پرۆفیسۆر و پزیشكانی عێراق و هەرێمی كوردستان و وڵاتانی عەرەبی بەڕێوەدەچێت كە تایبەتە بە چارەسەری گرێ شێرپەنجەییەكان.
ئەو كۆنگرەیە ساڵانە لەلایەن كۆمەڵەی شێرپەنجەی عێراقی ئەنجام دەدرێت و دەتوانرێت خزمەتی زیاتر بە تووشبوانی شێرپەنجە بكرێت بە تایبەتی بەرزكردنەوەی ئاستی زانستی نەخۆشخانە و سەنتەرەكانی شێرپەنجە.
ڕاگەیاندنی تەندروستی سلێمانی
ئهم بابهته 60
جار خوێنراوهتهوه
PM:11:51:12/02/2026