پزیشكانی عێراق سەرسامن بە پێشكەوتوویی نەخۆشخانەی شار
" تەندروستی "
دەیان پزیشكی پسپۆڕی نەخۆشیەكانی مێشك و دەمار لە ناوەڕاست و باشووری عێراق سەردانی نەخۆشخانەی شاریان كرد و سەرسامی خۆیان بە چارەسەركردن و سیستمی بەڕێوەبردنی نەخۆشخانەكە دەربڕی.
ئەمڕۆ چوارشەممە ، زیاتر لە 40 پزیشكی سەر بە وەزارەتی تەندروستی عێراق بە سەردانێكی زانستی سەردانی نەخۆشخانەی شاریان كرد و لەلایەن ستافی كارگێڕی و پزیشكانی نەخۆشخانەكە پێشوازیان لێكرا و چۆنیەتی بەڕێوەچوونی كاروبارەكان و شێوازی چارەسەری نەخۆش و سیستمی نەخۆشخانەكەیان بۆ خرایەڕوو.
پزیشكانی عێراق سەرسامی خۆیان بە شێوازی چارەسەر و خزمەتكردنی نەخۆش لە نەخۆشخانەی شار دەربڕی و ڕایانگەیاند: دەیانەوێت ئەو شێوازە لە نەخۆشخانەكانی عێراق پەیڕەو بكرێت و سوود لە پێشكەوتنەكانی كەرتی تەندروستی وەربگرن ، بەتایبەت شێوازی چارەسەری نەخۆشییەكانی مێشك و دەمار و كردنی چارەسەری ئەو نەخۆشییانە بە سیستمێكی مەركەزی.
ڕاگەیاندنی تەندروستی سلێمانی
ئهم بابهته 96
جار خوێنراوهتهوه
PM:09:09:07/01/2026