مانگی ڕابردوو 935 نەخۆش لە كلینكی نەخۆشیەكانی مەمك بینراون
" تەندروستی"
بەپێی ئاماری بەڕێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 30/9/2025) لەكلینكی چارەسەری نەخۆشیەكانی مەمك 935 نەخۆش سەردانیان كردووە، لەو ژمارەیە 285 نەخۆشیان نوێ بوون و ڕاستەوخۆ سەردانیان كردوە و ڕەوانەكراون و ئەوانی تر ئەو نەخۆشانە بوون پێشتر سەردانی ئەو كلینكەیان كردووە.
لەماوەی مانگی ڕابردوودا لەكلینكی چارەسەری نەخۆشیەكانی مەمك 6 حاڵەتی شێرپەنجەی مەمك تۆماركراوە و 79 نەخۆش بەهۆی بوونی ئازار و 47 نەخۆش بەهۆی بوونی گرێ سەردانیان كردووە، هەروەها 365 مامۆگرافی و 136 سۆنەریش ئەنجام دراوە.
ڕاگەیاندنی تەندروستی سلێمانی
ئه‌م بابه‌ته 60
جار خوێنراوه‌ته‌وه
AM:10:39:12/10/2025