مانگی ڕابردوو 2,798 نەخۆش سەردانی سەنتەری شەكرەیان كردووە
" تەندروستی"
بەپێی ئاماری بەڕێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 31/8/2025) لەسەنتەری شەكرە و كوێرەگلاندەكان لەشاری سلێمانی 2,798 نەخۆش سەردانیان كردووە و چارەسەری پێویستیان بۆ كراوە.
ئەو نەخۆشخانەی لەو ماوەیەدا سەردانی سەنتەری شەكرە و كوێرە گلاندەكانیان كردووە 1,146 نەخۆشیان لەڕەگەزی نێربوون و 1,652 نەخۆشیان لەگەڕەزی مێ بوون، 38 نەخۆشیان ئاوارەكانی عیراق و دەرەوە بوون و ئەوانی دیكە دانیشتووی سلێمانی بوون.
مانگی ڕابردوو ئەو نەخۆشانەی لەسەنتەری شەكرە و كوێرە گلاندەكان بینراون 646 نەخۆش تەمەنیان لەسەروو (65) ساڵیەوە بووە، 1,741 نەخۆش تەمەنیان لەنێوان (45-64) ساڵدا بووە، 382 نەخۆش تەمەنیان لەنێوان (20-44) ساڵدا بووە و 29 نەخۆش تەمەنیان لەخوار (20) ساڵەوە بووە.
ڕاگەیاندنی تەندروستی سلێمانی
ئه‌م بابه‌ته 144
جار خوێنراوه‌ته‌وه
AM:11:08:09/09/2025