تیمەكانی فریاكەوتنی تەندروستی ڕاهێنانی كردارییان ئەنجامدا
" تەندروستی"
بەچاودێری ڕاستەوخۆی بەڕێوبەری گشتی تەندروستی سلێمانی، تیمەكانی فریاكەوتنی خێرای تەندروستی 122 و تیمەكانی فریاكەوتنی نەخۆشخانەی شار ڕاهێنانی كردارییان ئەنجامدا لەسەر بەهاناوەچوونی بریندار و بەركەووتوان لەكاتی ڕووداوەكاندا.
لەو چالاكیەدا تیمەكان ڕاهێنانیان كرد لەسەر چۆنیەتی ئامادەكاریی بۆ ڕوودانی هەر حاڵەتێك و بەهاناوەچوونی بریندار و بەركەوتەی بەكۆمەڵی هەر ڕوداوێكی نەخوازراو و گواستنەوەیان بۆ نەخۆشخانە بەكەمترین كات.
ئەنجامدانی ئەو چالاكیەش بەمەبەستی هەڵسەنگاندن بوو بۆ تیمەكانی فریاكەوتنی سەر بە بەڕێوبەرایەتی گشتی تەندروستی سلێمانی بۆ كاروبارەكانیان و مامەڵەكردن لەگەڵ ڕووداوەكان و هەر ئەگەرێك و گواستنەوەی بریندارەكان لەكاتی ڕووداوەكان بۆ نەخۆشخانە و چارەسەركردنیان لەكەمترین ماوەدا.
ڕاگەیاندنی تەندروستی سلێمانی
ئه‌م بابه‌ته 64
جار خوێنراوه‌ته‌وه
AM:10:45:28/05/2025