نەخۆشخانەی دەروونی شەهید سەڵاحی موهەندیس



تایبەت " تەندروستی"

- ناساندن :

نەخۆشخانەی دەروونی شەهید سەڵاحی موهەندیس نەخۆشخانەیەكە بۆ چارەسەركردن و ڕاهێنانەوەی نەخۆشیە دەروونیە درێژخایەنەكانە وەك نەخۆشی شیزۆفرینیا و بای پۆلەر ، ئەم نەخۆشخانەیە لە ساڵی 2011 دا دامەزراوە و خزمەتگوزاریی پێشكەش بە ناوچەكانی پارێزگای سلێمانی و چواردەوری دەكات.

- ژمارەی قەرەوێلەكانی ئەم نەخۆشخانەیە بریتیە لە40 تەخت و تائێستا بەردەوامە لە خزمەتكردن بە نەخۆش و چارەسەركردنیان.

- دیدگای نەخۆشخانەكە :

*فراونكردنی نەخۆشخانەكە و زیادكردنی خزمەتگوزاریەكانی ڕاهێنانەوەی نەخۆش و برەودانی زیاتر بەبەشی وەرزش و دروستكردنی یاریگایەكی تاتان هەروەها زیادكردنی ڕووبەری سەوزایی ، گرنگیدان بە ئیشی دەست و وێنەكێشان و ڕاهێنانی زیاتر بەكارمەندەكان .

- ئامانجی نەخۆشخانە :

* پێشكەشكردنی خزمەتگوزاریی تایبەت بە نەخۆش سەردانی نەخۆش لەكاتی ناردنەوەی بۆ ناوخێزان .
* پەرەپێدانی مافەكانی نەخۆش.
* پەرەپێدانی بەردەوامی زانیاری و توانای كارمەندان ( كارمەندی پزیشك ، پزیشكان، لایەنی كارگێڕی ، .....هتد ).
* پەرەپێدان بە ژینگەی نەخۆشخانە لەڕووی سەلامەتیەوە.
* پلاندانان و جێ بەجێكردن و چاودێری و هەڵسەنگاندنی بەردەوام لە پێناو چاككردنی پرۆگرامەكانی نەخۆشخانەكان.
* ئەنجامدانی توێژینەوە لەبوارە پەیوەندیدارەكان بەمەبەستی پێشخستنی بواری كاركردن.


- جۆری خزمه‌تگوزارییە پزیشکی و تاقیگه‌ییەكان :

لەم نەخۆشخانەیە پشكنینی خوێن ( كیمیا ، هیماتۆلۆجی، ڤایرۆس ) هەروەها پشكنینی میز دەكرێت .


- چۆنێتی پەیوەندیكردن بەم نەخۆشخانەیەوە :

* ناونیشان و شوێنی جوگرافی:
( سلێمانی - گەڕەكی قڕگە - نزیك بەڕێوبەرایەتی گشتی تەندروستی سلێمانی )
* ژمارەی تەلەفۆن : ( 3265527  یان  3265532 ) 




ئه‌م بابه‌ته 9411 جار خوێنراوه‌ته‌وه‌‌


AM:10:32:07/12/2015