ستایشی كەرتی تەندروستی دەكرێت لەبەرەنگاربوونەوەی كۆرۆنا
تایبەت " تەندروستی"
بەپێی ئاماری رێكخراوی تەندروستی جیهانی ڤایرۆسی كۆرۆنا لەسەرەتای سەرهەڵدانیەوە بۆتە هۆی گیان لەدەستدانی 115 هەزار پزیشك و كارمەندی تەندروستی و داوای چڕكردنەوەی هەڵمەتەكانی كوتان كرا لەسەرتاسەری وڵاتان.
د.تیدروس ئادهانۆم بەرێوبەری رێكخراوی تەندروستی جیهانی لەكۆبونەوەی كۆمەڵەی گشتی رێكخراوەكە ستایشی قوربانیدانی پزیشكان و كارمەندانی تەندروستی كرد لەسەرتاسەری جیهانەوە بۆ بەرەنگاربوونەوەی ئەو پەتایە.
ووتی: بەدرێژایی 18 مانگی ڕابردوو كارمەندانی تەندروستی لەسەرتاسەری جیهان لەلێواری ژیان و مەرگ وەستاون و زۆرێك لەوانە تووشی ڤایرۆسی كۆرۆنا بوون و گیانیان لەدەستدا لەپێناو خزمەتكردنی ئەوانی دیكە.
روونیكردەوە: زۆرێك لەكارمەندانی بواری تەندروستی لەسەرەتای پەتای كۆرۆنا هەستیان بەتێكشكان و بێ توانایی كرد بەهۆی نەبوونی كەلوپەلی خۆپارێزی و ڤاكسینەكان.
بەرێوبەری رێكخراوی تەندروستی جیهانی نایەكسانی لەبەدەستگەیشتنی ڤاكسینی كۆرۆنا بەئابڕووچوون وەسفكرد و هۆشداریدا لەوەی ئەو نایەكسانیە دەبێتە هۆی درێژكردنەوەی وادەی بڵاوبوونەوەی پەتاكە.
ڕاگەیاندنی تەندروستی سلێمانی
ئه‌م بابه‌ته 832
جار خوێنراوه‌ته‌وه
AM:11:33:26/05/2021