ژمارەیەك تووشبووی كۆرۆنا و قوربانی لەسلێمانی تۆماركرا
تایبەت " تەندروستی"
وەزارەتی تەندروستی حكومەتی هەرێمی كوردستان لەبەیاننامەیەكدا بڵاویكردەوە لەبەردەوامی پشكنینەكان و گەڕان بەدوای گومانلێكراوان و تووشبووان، سی و پێنج تووشبووی دیكەی ڤایرۆسی كۆرۆنای نوێ لەپارێزگای سلێمانی دەستنیشانكران.
بیست و نۆ لەتووشبووەكان دانیشتووی ناو شاری سلێمانی و ئەوانی دیكە دانیشتووی ناحیە و قەزاكانن و یانزدە تووشبوویان بەركەوتووی تووشبووانی پێشوون، بیست و چوار تووشبوو نیشانەی نەخۆشیان هەیە.
هاوكات وەزارەتی تەندروستی حكومەتی هەرێم بڵاویكردەوە چوار تووشبووی نەخۆشی ڤایرۆسی كۆرۆنای نوێ لەپارێزگای سلێمانی گیانیان لەدەستدا.
قوربانیەكان سێ پیاوی تەمەن 75 و 58 و 52 ساڵ بوون لەگەڵ ژنێكی تەمەن 70 ساڵ وسیانیان دانیشتووی شاری سلێمانین و یەكێكیان دانیشتووی قەزای چەمچەماڵە و دوای داخڵبوونیان لەنەخۆشخانە و مانەوەیان گیانیان لەدەستداوە.
ڕاگەیاندنی تەندروستی سلێمانی
ئه‌م بابه‌ته 265
جار خوێنراوه‌ته‌وه
AM:10:39:03/06/2020