هەڵمەتی كوتان دژی ئیفلیجی منداڵان لە سلێمانی دەستیپێكرد
تایبەت " تەندروستی"
بەئامادەبوونی د.سەباح نەسرەدین بەڕێوەبەری گشتی تەندروستی سلێمانی و یاریدەدەرانی بەڕێوەبەری گشتی تەندروستی و نوێنەری ڕێكخراوی تەندروستی جیهانی و ژمارەیەك لەپزیشكان و كارمەندانی تەندروستی، لەمەڵبەندی تەندروستی كارێزە ووشك هەڵمەتی كوتان دژی ئیفلیجی منداڵان دەستی پێكرد.
ئەمرۆ یەك شەممە بەڕێوەبەرایەتی گشتی تەندروستی سلێمانی و بەڕێوەبەرایەتی خۆپاراستنی تەندروستی بەهاوكاری ڕێكخراوی تەندروستی جیهانی WHO هەڵمەتێكی كوتان دژی ئیفلیجی منداڵان دەستپێكرد كەماوەی 5 رۆژ بەردەوام دەبێت.
لەم هەڵمەتەدا 499 تیمی دووكەسی و101 سەرپەرشتیار و307 ئۆتومبێل تێیدا بەشداردەبن و پێویستە 248392 منداڵی خوارتەمەن پێنج ساڵ بكوترێن لەپارێزگای سلێمانی و هەڵەبجە و ئیدارەی گەرمیان و ڕاپەڕین و كەمپەكانی باریكە و عەربەت و ئاشتی و سورداش و قۆرەتوو و تازەدێ.
ئا: ئەنوەر حەمە غەریب – هەرێم بابە عەلی
ڕاگەیاندنی تەندروستی سلێمانی
ئهم بابهته 2084
جار خوێنراوهتهوه
PM:02:10:23/12/2018