لەڕۆژی جیهانی تیشك سیمینارێكی زانستی بەڕێوەچوو
تایبەت " تەندروستی"
لەهۆتێل تایتانیك لەشاری سلێمانی بە بەشداری ژمارەیەك پزیشكی بیانی و ناوخۆیی پسپۆڕی تیشك و سۆنەر، سیمینارێكی زانستی بەرێوەچوو و تێیدا ئەو هۆكارانە خرانەڕوو كە لەڕێگەی تیشك و سۆنەر كاریگەری لەسەر دڵ دروست دەكەن.
لەلێدوانێكدا بۆ سایتی " تەندروستی" د.سەفین ڕەسوڵ علی سەرۆكی بەشی تیشك و سۆنەر بەگرنگیەوە باسی لەڕێكخستنی ئەو چالاكیە زانستییە كرد و ڕایگەیاند: یەكەمین جارە لەشاری سلێمانی لەڕۆژی جیهانی تیشكدا ڕێك دەخرێت و چەندین بابەتی زانستی لەلایەن بەشێك لەپزیشكانی بەشداربوو لەسەر كاریگەری تیشك و سۆنەر لەسەر دڵ خرانەڕوو.
لەكۆتایی چالاكییە زانستیەكەدا بڕوانامە بەسەر ئەو پزیشكانەدا دابەشكرا كە بابەتەكانیان پێشكەش كرد.
رۆژی 8ی تشرینی یەكەم دەستنیشان كراوە بەڕۆژی جیهانی تیشك و لەو ڕۆژەدا چەندین چالاكی بەو بۆنەیەوە ڕێك دەخرێت.
ڕاگەیاندنی تەندروستی سلێمانی
ئه‌م بابه‌ته 961
جار خوێنراوه‌ته‌وه
PM:09:09:08/11/2018