توانای شناوكردن ئاماژەیە بۆ دڵێكی تەندروست




" تەندروستی "


ئەنجامدانی ڕاهێنانی وەرزشی یەكێكە لەبنەما سەرەكیەكان بۆ لەشێكی تەندروست و دەبێت لایەنی كەم هەفتانە سێجار ئەنجام بدرێت، چونكە جگە لەتەندروستیەكی باش، لەهەمانكاتدا دەبێتە هۆی دووركەوتنەوە لەپەستانی ژیانی رۆژانە و دەروون ئارام دەكاتەوە.

بەپێی توێژینەوەیەكی زانستی نوێ دەركەوتووە ئەنجامدانی 40 شناو بەبێ وەستان هێمایەكە بۆ دڵێكی تەندروست دوور لەنەخۆشی، توێژینەوەكە لەزانكۆی هارڤاردی ئەمریكی ئەنجام دراوە لەسەر 1000 پیاو كە تەمەنیان لەنێوان 21 -66 ساڵدا بووە.

پسپۆڕان دوای چەندین توێژینەوە ئاماژەبەوەدەكەن ئەو كەسانەی دەتوانن 40 جار بەسەریەكەوە شناو بكەن ئەوا خاوەن دڵێكی تەندروستن و ئەگەری تووشبوونیان بەنەخۆشیە مەترسیدارەكانی دڵ لە 96% كەمترە.

زانایان رایدەگەیەنن ئەو پیاوانەی تەمەنیان هەیە و ناتوانن زیاتر لە 10 شناو بكەن بەسەریەكەوە مانای وایە تەندروستی دڵیان باش نیە و ئەگەری تووشبوونیان بەجەڵتەی دڵ و مێشك و نەخۆشیەكانی دیكە زیاترە.

ڕاگەیاندنی تەندروستی سلێمانی




ئه‌م بابه‌ته 1179 جار خوێنراوه‌ته‌وه‌‌


AM:11:04:30/06/2019