یەكەمین سیمپۆزیۆمی نێودەوڵەتی تەندروستی لەسلێمانی بەڕێوەچوو
تایبەت " تەندروستی "
بەئامادەبوونی د.سەباح نەسرەدین بەڕێوەبەری گشتی تەندروستی سلێمانی و ژمارەیەكی زۆر لەپزیشكانی ناوخۆیی و بیانی یەكەمین سیمپۆزیۆمی نێودەوڵەتی تەندروستی لەشاری سلێمانی بەرێوەچوو.
سیمپۆزیۆمەكە تایبەت بوو بەخستنەڕوو و پێشكەش كردنی ئەو توێژینەوە نوێیانەی لەبارەی نەخۆشیە درێژخایەنەكان و شێرپەنجە و ئێسك و تەندروستی خۆراك كە لەلایەن تیمی پزیشكانی ناوخۆیی و فەرەنسی و ئیتاڵی ئامادەكرابوون و پێشكەش بەئامادەبووانی سیمپۆزیۆمی نێودەوڵەتیەكە كرا.
سیمپۆزیۆمی نێودەوڵەتی تەندروستی لەلایەن بەرێوەبەرایەتی گشتی تەندروستی سلێمانی و زانكۆی كۆمار لەهۆتێل ڕامادا لەشاری سلێمانی رێكخرا و تێیدا 10 توێژینەوەی زانستی نوێ لەلایەن پزیشكانی ناوخۆیی و فەرەنسی و ئیتاڵیەوە پێشكەش كران.
ڕاگەیاندنی تەندروستی سلێمانی
ئه‌م بابه‌ته 911
جار خوێنراوه‌ته‌وه
AM:11:16:13/05/2019