سیمینارێك لەبارەی ڕێكخستنی خەو و خۆراك سازكرا
تایبەت " تەندروستی "
بەبۆنەی ڕۆژی جیهانی تەندروستی و سەلامەتی كە لەكۆتایی مانگی نیساندایە، پەیمانگای تەكنیكی سلێمانی بەهاوكاری بەڕێوەبەرایەتی گشتی تەندروستی سلێمانی سیمینارێكی بۆ د.بینایی كامەران پسپۆڕی زانستی خۆراك لەهۆڵی پەیمانگای تەكنیكی سلێمانی ڕێكخست.
لەسیمینارەكەدا كەبەشێك لەمامۆستایان و خوێندكارانی پەیمانگاكە ئامادەبوون، د. بینایی كامەران تیشكی خستە سەر پرسی تەندروست بوونی خوێندكاران لەڕووی ڕێكخستنی خۆراك و خەوتنیان و كاریگەریی لەسەر تەندروست باشیان لەژیانی ڕۆژانەیان.
ئەو پسپۆڕەی زانستی خۆراك ئاماژەی بەوەكرد بۆئەوەی خوێندكاران سەركەوتووبن لەپرۆسەی خوێندن پێویستە ڕێنماییەكان وەك خۆیان جێبەجێ بكەن كەبریتین لە:
- خەوی پێویست و ڕەچاوكردنی كاتەكانی خەوتن.
- وەرزش كردنی بەردەوامی رۆژانە.
- گرنگیدان بەژەمەكانی خواردنی تەندروست.
- ئاگاداربوون لەو خواردنانەی زیانیان بۆ جەستە و دەروونی مرۆڤ هەیە.
- گرنگیدانی زیاتر بەئاو خواردنەوە.
ئا: هەرێم بابە عەلی
ڕاگەیاندنی تەندروستی سلێمانی
ئه‌م بابه‌ته 2130
جار خوێنراوه‌ته‌وه
AM:11:32:25/04/2019