ئەمرۆ 31ی ئایار ڕۆژی جیهانی بەرەنگاربوونەوەی جگەرەكێشان و بەكارهێنانی توتنە، ئەم رۆژە لەلایەن ڕێكخراوی تەندروستی جیهانی دیاری كراوە بۆ بڵاوكردنەوەی هۆشیاری لەبارەی مەترسیەكان و ئەو كاریگەرییە نەرێنی و زیانبەخشانەی جگەرەكێشان و بەكارهێنانی توتن دروستی دەكات لەسەرجەم ڕووەكانەوە.
جگەرەكێشان كاریگەری راستەوخۆی هەیە لەسەر سییەكان و بەهۆكاری سەرەكی شێرپەنجەی سییەكان دادەنرێت، بەرێوبەرایەتی گشتی تەندروستی سلێمانی ئامارێكی تووشبووانی شێرپەنجەی سییەكان بڵاودەكاتەوە لە12 ساڵی رابردوودا.
بەپێی ئەو ئامارەی بەرێوبەرایەتی گشتی تەندروستی سلێمانی ، تووشبووانی
شێرپەنجەی سییەكان لەم ساڵانەی دواییدا بەم شێوەیە بووە :
ساڵی 2011: 139 حاڵەتی شێرپەنجەی سی تۆماركراوە
ساڵی 2012: 156 حاڵەتی شێرپەنجەی سی تۆماركراوە
ساڵی 2013: 158 حاڵەتی شێرپەنجەی سی تۆماركراوە
ساڵی 2014: 198 حاڵەتی شێرپەنجەی سی تۆماركراوە
ساڵی 2015: 155 حاڵەتی شێرپەنجەی سی تۆماركراوە
ساڵی 2016: 160 حاڵەتی شێرپەنجەی سی تۆماركراوە
ساڵی 2017: 196 حاڵەتی شێرپەنجەی سی تۆماركراوە
ساڵی 2018: 154 حاڵەتی شێرپەنجەی سی تۆماركراوە
ساڵی 2019: 169 حاڵەتی شێرپەنجەی سی تۆماركراوە
ساڵی 2020: 149 حاڵەتی شێرپەنجەی سی تۆماركراوە
ساڵی 2021: 173 حاڵەتی شێرپەنجەی سی تۆماركراوە
ساڵی 2022: 174 حاڵەتی شێرپەنجەی سی تۆماركراوە
بەپێی ئاماری رێكخراوی تەندروستی جیهانی ساڵانە زیاتر لە 8 ملیۆن كەس لەسەرتاسەری جیهان بەهۆی جگەرەكێشان و توتن كێشان گیان لەدەست دەدەن.
راگەیاندنی تەندروستی سلێمانی
PM:01:10:31/05/2023